Tema 4: O Deseño Curricular – DOSIER

Na primeira sesión co docente Gonzalo Constenla, empezamos con unha pequena introducción a esta segunda parte da materia, na que vimos os contidos que imos estudar, os métodos de avaliación e os traballos que temos que levar a cabo. Despois desta presentación fixemos catro actividades que vou a comentar a continuación.

A primeira foi un debate no que tivemos que decidir cal nos parecía o máis importante entre os temas que quedaban por ver nesta materia. As opcións eran as seguintes:

·         Tema 4: O deseño curricular.

·         Tema 5: As programacións didácticas vixentes.

·         Tema 6: Seccións bilingües e plurilingües. Metodoloxía CLIL/AICLE. Os proxectos lingüísticos de centro (PLC).

·         Temas 7 e 8: Metodoloxías en Europa e o mundo.

Para levar a cabo este debate, empregamos o sistema piramidal. Comezamos debatindo en parellas, seguímolo facendo en grupos de catro, logo de oito e finalmente debatimos entre todos. Ao principio, en parella e en grupos de catro, era bastante fácil poñerse de acordo para elixir un tema. Cando chegamos aos grupos de 8 resultaba moi difícil; puidemos reducir as opcións a dous dos temas, pero elixir só un era imposible. Finalmente, non se chegou a un acordo entre toda a clase, pero resultou interesante para comparar as nosas opinións e argumentos.

Foi a primeira vez que vin como se utilizaba o sistema piramidal e a verdade é que me pareceu bastante efectivo. É unha maneira dinámica de debatir e o feito de empezar en parellas e en grupos pequenos pode facilitar a participación. Resulta máis fácil discutir sobre un tema en grupos reducidos; apenas hai que esperar para volver a falar e pódese chegar a un acordo rápidamente.

Na segunda actividade tivemos que responder a tres preguntas sobre o currículo:

·         Qué é o currículo?

·         Elementos do currículo

·         As competencias. Competencias que potencia o currículo. Competencias das materias de linguas estranxeiras.

Fixémolo en grupos e serviu para comprobar se recordábamos algúns dos contidos que aprendemos no módulo común. En xerál, acordabamonos do suficiente como para respondelas.

Na terceira actividade utilizamos a aplicación Kahoot!: unha aplicación que conseguiu motivar a toda a clase a pesar dos contidos teóricos tediosos que estábamos vendo. Trátase dunha aplicación que permite crear un xogo competitivo con preguntas tipo test. O único que necesita o alumnado para participar é un teléfono móbil para cada grupo coa aplicación instalada. O xogo ten un sistema de puntos que nos motivou a aprender os contidos para acertar as preguntas e conseguir máis que os outros grupos. Tamén nos obligaba a pensar rápido, xa que tiñamos un límite de 20 segundos para contestar e gañábamos máis puntos se contestabamos decontado. Non coñecíamos esta aplicación, pero resultou moi fácil de utilizar e convertiuse sen dúbida nunha das actividades máis interesantes e divertidas da materia. De feito, utilizámola de novo na segunda sesión do tema catro.

Rematamos a primeira sesión cunha actividade colaborativa para a cal utilizamos un documento compartido en Google Drive. Divididos en grupos, tivemos que contestar a varias preguntas sobre “As linguas estranxeiras no currículo da LOMCE”. Cando todos os grupos remataron, cada un comentou os aspectos máis relevantes da súa parte do documento. Foi unha maneira bastante interesante de levar a cabo unha actividade grupal.

En conclusión, as actividades que fixemos nas sesións do tema catro foron útiles e interesantes; tanto polo contido coma polos recursos utilizados. Aprendemos a utilizar aplicacións coma o Kahoot! ou o Google Drive na aula dunha maneira práctica e vimos o útiles que poden ser para motivar aos estudantes. A pesar dos contidos teóricos e aburridos, o tema resultou ameno e incluso divertido.